Am Donnerstag geht das Hutzgüri um

«Himmelherrgottdunnerwätter!», het dr Schärmuuser gfluecht, won er richtig Tüüfelschuchi gchniempet isch. Es nützt em aber nüt. Er het de Äierwyybli versproche, er brech für s Hutzgüri hüt no es paar Müüs verby. Wo si das abgmacht häi, häi die drei nit chönne wüsse, ass an däm Oobe so gruusig chunnt cho chutte.

Die Stürm in de letschte paar Tage sy heftig gsii. In dr Hinteregg hets e Pappele uf d Schüre gläit und us em Gmeinroot hets zwee vo de Bishärige usebloose. Sünscht isch z Sissech glücklicherwys nüt Schlimmers passiert.

Der Schärmuuser isch jo käi Angschthas. Es isch em trotzdäm nit ganz ghüür gsii. Er wäiss jo, ass me bi so stürmischem Wätter nit in Wald sett. Wäisch nie, öp dir e Nascht uf Gürpse gheit. Wenn darfsch denn äigentlig no in Wald?…