E Lied für s neue Waldeburgerli

Und schyynt e Sach zerscht au sperrig und unpoetisch, s schlooft doch e Lied in allem!

Sii häi alles gee
Mit Yys im Bart, mit Schweiss im Gsicht öbbs haglet, schifft, öbb d Sunne sticht nur Zyt im Gnick und s Zyyl im Blick und chrampfe, Schicht an Schicht bis fascht der Rugge bricht

E jede Tag e neue Kampf und au dur d Nacht wird wyter krampft und Stück für Stück e Trassee gstampft und Gleis verleit und Gleis verleit für d Spur e Meter breit

Sii häi Maschte gstellt und Kabel gspannt und Spundwänd ins Bachbett grammt und ammen au dä Job verdammt aber Gleis verleit und Gleis verleit Gleis, e Meter breit

Jo, sii häi alles gee, sii häi alles gee in Wind und Fluet und Schnee jo, sii häi alles gee, sii häi alles gee für die neu WB

Zwei Joor lang Lärme, Krään und Dräck zwei Joor lang Stau, chunnsch chuum vom Fläck und s Taal ab bruuchsch en Ewigkeit und hesch dä Mais bald nümm verträit wäg Gleis, e Meter breit

Doch heschs jo gwüsst, s chunnt uf di zue zwei Joor lang häi sii z tue zwei langi Joor lang hesch kei Rueh doch jetz isch gnue, sii sy verleit die Gleis, e Meter breit
Refrain: Sii häi alles gee …

Bridge: I weiss nur, sii heisst Salome sit zwei Joor nümme gseh sii nimmt die glyych WB wien I styggt immer z Hölschten yy

I säg mer: Settsch di zämmenee syg nümm so schüüch wie süscht hock zuen re und säg: Salome I ha di so vermisst
Sit I di gseh ha, Salome, no uf der alt WB sit I di gseh ha, Salome sithär ischs um mi gscheh

Zweiehalbtuusig Tonne Stahl früsch verleit dur s ganze Taal und druff s neue Rollmaterial alls digital, betriibsbereit uf Gleis, e Meter breit

Sii häi versproche, d WB chunnt ab jetz all Viertelstund dermit das Taal gly wiider boomt dermit das Taal gly wiider boomt das Taal gly wiider boomt
Refrain: Sii häi alles gee …

Und hüt ischs ändlig jetz so wyt der Aafang von re neue Zyt dur s ganze Taal do goht e Ruck d WB isch zrugg, d WB isch zrugg d WB isch wiider zrugg
Refrain: Wil sii häi alles gee …

Code fötele und s Video luege:

Florian Schneider wurde 1959 geboren und stammt aus Reigoldswil. Er ist Sänger, Schauspieler und Liederschreiber und lebt mit Tochter Mina in Eptingen.

MUNDART

Image Title

Möchten Sie weiterlesen?

Ja. Ich bin Abonnent.

Ja. Ich benötige ein Abo.

Article

Image Title