Olympischs

D Olympiade chunnt daas Joor
äim halt e chläi gspässig vor:
D Japaner – so wird kolportiert –
hätte’s lieber annulliert.

Au wichtigi Sponsore syy
(wie au d Zuschauer) nit drbyy.
Doch daas isch alles sekundär:
S Wichtigscht sy jo d Funktionär …

D Schwyz het scho glyy Furore gmacht,
au wenn dänk s Ussland drüber lacht.
E Hürdeläufer, dasch verruckt,
het schynt’s es lätzes Dääfi gschluckt.

Was äim derbyy total fruschtriert:
Dä Maa het Medizin studiert!
E Goldmedallie git’s vilicht
drum für die dümmschti Doping-Gschicht.

Zum Glück git’s doch au gfröiti Sache,
wo bi öis Schlagzyyle mache:
Statt Eerger wäg deer Doping-Chischte
gilt: «Freude herrscht!» für d Nadine Chrischte.

Äigebröödler