Chiirssipfäffer

Di, 04. Mai. 2021

Farnsburg

D Spatze häi’s scho lang begriffe
und munter vo de Dächer pfiffe.
Jetz hesch au in der Zyttig gseh:
Um «öises» Farnsburg-Bier isch’s gscheh.

Es het vo allem Aafang aa
immer wider z kämpfe ghaa.
S wird zume Dumping-Pryys lanciert,
d Aalaag z gross dimensioniert.

Drufaabe wird nöi kalkuliert,
daas het denn d Chundschaft nümm goutiert.
Au s Büchsebier, daas het me gseh,
isch nit mehr als e Bieridee.

No äinisch wird en Aalauf gnoo,
doch Gäld isch nümm grooss zämechoo.
Doo syg doch, säge d Inveschtore,
Hopfe samt em Malz verlore.

Als truurigs Fazit will miir schyne:
Der Name passt – für e Ruine …

Äigebröödler

Ganzer Artikel ist nur für Abonnenten verfügbar.

Kommende Events

Stellen

Immobilien

Weitere Angebote