Chiirssipfäffer

Di, 04. Aug. 2020

1. Auguscht uf Covid-Art

Daas Johr isch der 1. Auguscht
für gwüssi Lüt e grosse Fruscht.
Brandgfohrbedingt git’s käini Füür.
Au Reede schwingt me käini hüür.

Verluscht isch daas jo mäischtens käine.
Au wenn daas d Reedner anderscht mäine …

Mit de Corona-Schutzmassnahme,
wo allewyyl no gälte, cha me
käi Aalass mit e Huffe Lüt
organisiere – doo hilft nüt.

So wird halt im private Rahme
gfeschtet – immerhin daas cha me:
Doo wird denn allerhand grilliert
und au vill Flüssigs konsumiert.

Bim Yynachte goht’s denn los,
es lüüchtet, chlöpft und tätscht famos.
Ich dänk, will my dä Lärme stört:
«Ich hätt doch lieber d Reede ghört …»

Äigebröödler

Ganzer Artikel ist nur für Abonnenten verfügbar.

Kommende Events

Stellen

Immobilien

Weitere Angebote