Scho sit Wuche rysse die bi eus zmitts im Dorf diräkt vor em «Bad» die ganz Chrüzig uf, und mit em Auti stoosch bim Rotliecht und stoosch und stoosch – und gseesch derby doch, ass jo wyter unden an der andren Ample gar kein stoot, und doch muesch warte, wil s Gsetz s eso vorschrybt. So han I zur Beschäftigung bim Warte halt e paar Värs gmacht, allerdings us der Sicht vom ne brave Fuessgänger:

Wil s jetz bi eus e Rotliecht het
Do sett me, wemmen übre wett
Über d Strooss, wenns rot isch
Wenns rot isch, no muesch blybe stoo
So wirds verlangt, drum stoon I do
Hätt s zwar presant und setti goo doch, heitrecheib, jetz lueg au do das Rotliecht stoot uf Rot

So stoon I do und lueg deruf
Und lueg derab und pass guet uf
Öbb nit öbben öbbis chunnt
Wil chunnt ein, muess en dureloo
Vo wäge Vortritt und eso
Aber nienehär isch nie kein cho
Nur I stoo do und trou nit goo
Wil s Rotliecht stoot uf Rot

Machts au kei Sinn, ass I no wart
So eifach goo, weer nit my Art
Wenn das am Schluss e jede e jede miech, weer bald ein tot
Müesst jämmerlig do s Läbe loo
Drum stoon I as guets Byschpiil do
Und hoff, s wärd grüen und I chönn goo doch s Rotliecht stoot uf Rot

Jetz goot s nit mol e Viertelstund
Bevor ass’ böös cho gwittre chunnt
I ha der Schirm lo ligge
Dehei dä Cheib lo ligge loo
Doch wenn en jetz go hole goo würds grüen, bevor I wiider do
Am Rotliecht stiend und scho weers z spoot
Und s Rotliecht stiend uf Rot

So stoon I do, scho ganz durweicht
Jo, wenns eim so ans Läbig seicht
Goo gscheiter hei, süscht hol I
I hol mer süscht do no der Dood
Wenn s Chatze haaglet, Blei und Schroot
Bringt s niemrem nüt, ass me no stoot
Morn chumm I umme, hüt ischs z spoot
Wil s Rotliecht stoot uf Rot

Florian Schneider wurde 1959 geboren und stammt aus Reigoldswil. Er ist Sänger, Schauspieler und Liederschreiber und lebt mit Tochter Mina in Eptingen.