E Vollträffer!

Zum «Chiirssipfäffer» «Umschryybige» in der «Volksstimme» vom 29. September, Seite 1

Darfs ächt usnahmswiis uf Mundart sii? Und Reime wäre halt ou grad drbi! Vo wäge: Wäg em «Chiirssipfäffer», denn was er schribt, isch e Vollträffer! Eifach nit choh, das cha nit bloss e «No Show» sii, denn ganz bestimmt isch dr Aastand nit drbi! I tue mi aber schwär, e Mundart-Uusdruck z finde, mit Vergässlichkeit cha mes nit verbinde. Allwäg ischs eher ds Ego, drum gsehn ii, e Entschädigung für e Beizer muess dringend sii!

Fritz Häuselmann, Gelterkinden