Vorfreude

No 15 Tag, denn ischs so wyt, mir z Oltige, mir si denn scho

parat und fit. Wenn d Chugeli uf euse Bahne

rugele, denn Gross und Chly will doch

esone Chugele. Au eusi Beizli si bis denn im Schuss, und uff de Chueche glänzt der Guss. D Bühne für all die Attrakzione

die ganz ville, rueje jetz no ganz im Stille. Bis am 1. Mai ganz vill Prominänz u

huffe seit, wo der Schue drückt, oder wo me

schlicht nid wyter weiss.

Liebi Bsucher, s wer so schön und

s wurd is nütze, wenn der möglichscht s Poschtauto

detet underschtütze.
S schöne Wätter hei mer längschtens

bschtellt, bis denn si für e Märt au d Schtänd

ufgschtellt.
Z trinke gits , und z ässe gar e mängi

Sorte, der gseiet, jo der chönned alli

überborde. Me cha s Dorf uf und ab flaniere,

a jedem Egge schmöckts gluschtig nach Buurebrot

und Wegge,
Chees wird gschmulze,

Güggeli grilliert,
Fleisch und Pommfritt wärde

chnuschperig fritiert.
S git Hörnli und Ghackts oder

lieber e Fitnesställer oder es Cüpli usem

Prominäntechäller,
Schpagetti, Aelplermagrone,

vilicht Suppe mit Schpatz, oder eifach Wurschtsalat bimene

gmüetliche Schwatz.
E Fahrt mit em Riiserad chönnt

eim gluschte, oder im Metzger zueluege

bim Wurschte. Büchseschiesse, Chinderschminke,

oder e Gump is Schtrau, vilicht e Bsuech uf der olte Sagi

gieng au. Der gseiht, es isch öppis los

zoberscht im Ärgolztal, chömed cho luege, der heit

jedi Wahl.

«Eifach Mundi», Oltingen

Projektierungskredit Schulhaus Gelterkinden