Oberdorf verliert sys «Rössli»,
glyych wie Tännike sys «Schlössli».

Was d Zeegliger zum «Rössli» mäine:
«Stärnechoch bruuchts doo e käine!»

Z Rotheflueh wird inveschtiert,
ass s «Rössli» wider galoppiert.

Z Ammel oobe, schick dy dryy,
isch s «Jeegerstübli» Nostalgie.

Vom «Bad Eptige» der Schwander
Heinz säit: «Aadie mitenander.»

S «Cheesmeyer Bistro», s isch fatal,
isch nume no Event-Lokal.

D «Sunne» z Sissech isch zwar offe,
aber chuum me richtig gloffe.

Daas stimmt der Isi Räber froh –
sys «Twist» blybt lut Quartierplan stoh!

Lut em glyyche Plan dörft glyy
d «Lounge» nääbedraa vill chläiner syy.

Und der Alain wird dänk chääre:
«Daas isch jo denn der alti ‹Bäre› …»