Chiirssipfäffer

Di, 18. Mai. 2021

Grääbe

Im ganze Waldeburgertal
häig’s nüt as Grääbe – ganz fatal.
Daas lyt, hesch in der Zyttig gseh,
zum Grossdäil an der BLT.

Die möchte s Tal scho glyy mit Trämmli
erschliesse – mit de gääle, nämmli …
«Time is money» häisst’s au doo,
drum muess es zügig vorwärts goo.

E zwöite Graabe, won-y mäin,
betrifft primär die Chillegmäin,
wo zooberscht in däm Täli lyt
und «Stedtli» häisst. Isch klar so wyt?

Dört het’s am Pfaarhuus-Tor Plakätli
und umstritteni Traktätli:
Der Pfaarer will, git är z verstoh,
esoo die Stimme z Wort lo choo,

wo me süscht jo niene ghöri,
will sich d «Obrigkäit» draa störi.
Sy Huustür syg, so däilt är mit,
privat. Drum: Illegal syg’s nit.

«Nit verbotte» gleich «legal» –
die Glyychig chönnt emänd im Tal
scho no z diskutiere gee.
Vilicht no meh as d BLT …

Äigebröödler

Ganzer Artikel ist nur für Abonnenten verfügbar.

Kommende Events

Stellen

Immobilien

Weitere Angebote