Begeegnigszone

Enand z begeegne weer s Besträäbe.
Doo z Sissech goht’s ums Überlääbe.
Daas gseht au öises Gwärb esoo
und het drum früeh scho Yfluss gnoh.

Me het erfolgryych lobbyiert
und d «Ychaufszone» deklariert,
wo d bequem chasch mit dym Chahre
praktisch bis in d Lääde fahre.

Wär z Fuess die Zone möcht benütze,
muesch vor den Autifahrer schütze.
Und schwyzwyt säit men überall:
«Soo miech me’s ebe nit – im Fall!»

Jetz het’s e nöie Gmäinroot gee,
wo yygseht: «Es muess öbbis gscheh …»
Zum Schutz vom Fuessvolk wird agiert:
Äi Litfass-Süüle umplatziert,

und für die öltere vo öis
isch der zwöit Schritt jo nüt Nöis.
Vor e paar Tag häi, lueg au aa,
d Schwelle ihres «Comeback» ghaa.

Zuegee – die Idee isch alt,
aber mache muess me’s halt.
An däm Byschpiil gsehsch: S goht vill,
wemme denn…