Sissech City

Fachgschäft häi e schweere Stand.
Das Chlaage ghörsch wyt umenand.
Es goht halt äifach, mit em Chaare
uf «Schnäppchenjagd» ins Dütsche z fahre.

Au doo chasch die Entwicklig gseh:
Uhregschäft het’s käini meh.
Und s äinzig Gschäft für Heerechläider
het sy Laade zuedoo, läider.

Es wyters Fachgschäft, äis für Schueh,
macht uf nöchschte Früehlig zue.
Was macht me mit leere Lokal?
Lueg ins Waldeburgertal!

Dört git’s an prominänter Stell
syt e baar Wuchen es … genau!
Für d Sissecher Begeegnigszone
isch das nüt, wo sich würd lohne.

Und d Begründig fallt nid schwer:
Es het doo jetz scho z vill Verchehr.

Äigebröödler