«100 Joor Gwunder»

E guete Slogan! Findsch nid au?
Und denn no die wyyroote «Vau»,
wo zum Sitze animiere
und vilicht au zum Sinniere,

was genau das «Vau» doo söll
und für was das wärbe wöll.
D «Volksstimm», myni Wüssenszyttig,
klärt mii uuf am letschte Fryttig:

Das «Vau» isch s Volkshochschuel-Symbol.
Däm Institut – so schrybt der Gohl –
wird ganz härzlig gratuliert,
will s 100 Joor scho exischtiert.

Für mii als Sissecher weer’s nätt,
wenn’s e Volkshochschuelkurs hätt,
wo sich ganz bestimmt würd lohne:
«Sicher dur d Begeegnigszone».

Äigebröödler