«Dr Döifel rybt sich gnüsslig d Händ»
26.02.2026 Fasnacht, BaselEine Auswahl an Schnitzelbänken aus der Fasnachtsstadt
Dutzende Schnitzelbank-Formationen zogen an der Basler Fasnacht durch die Beizen und Cliquenkeller. Aus Hunderten von Versen über das nationale und internationale Geschehen hier eine kleine Auswahl.
...Eine Auswahl an Schnitzelbänken aus der Fasnachtsstadt
Dutzende Schnitzelbank-Formationen zogen an der Basler Fasnacht durch die Beizen und Cliquenkeller. Aus Hunderten von Versen über das nationale und internationale Geschehen hier eine kleine Auswahl.
sda. Klar dominiert US-Präsident Donald Trump dieses Jahr die Schnitzelbank-Verse. Seine Aussenpolitik, die tödlichen ICE-Einsätze sowie der Zollhammer gegen die Schweiz und die Verhandlungen von Bundesrätin Karin Keller-Sutter boten Stoff für bitterböse Pointen:
Wo mir gheere dass d Käller-Sutter
mit em Trump delefoniert Isch uns glaar, das Gsprööch
hät besser d Betty Bossi gfiert E diefere Zoll z erwarte wäri
au bi dere vermässe
Immerhiin e Rezäpt gäbs
um die Chlorhiener z frässe
Dr Schmelzpunggt
Worum, um Himmels Wille, gniesst dä Trump esoo vyyl Schoonig? Dr Döifel rybt sich gnüsslig d Händ und maint: Dä hol i noonig. Wenn en aifach mache loss, no wird er
als wie bööser, und wenn en hool, bin ych kai Döifel,
sondern dr Erlööser.
Dreydaagsfliege
Y ha mym Sohn, däm in Amerika
am Delifon gsait: «Loos Sohnemaa!
Y schigg dr e Päggli Ricola.
Aber gäll wenn das aakunnt, dänggsch
denn dra, gisch, damit mer ys dr Zoll
kenne spaare,
im Presidänt no ne Rolex und e Goldbaare.
Wanderratte
Egal, was d Käller-Sutter sait,
was uuse kunnt isch s Lätze.
Woorschyynlig will dr Trump und
si nid vom Glyyche schwätze:
Bi 15 dänggt si an Prozänt und
Zöll für d Induschtryy.
Und dä Sauhund dänggt bi 15:
s dörf au jünger syy.
Zwätschgesalaat
Dr Trump het welle ICE
an d Olympiade schigge
Mailand het ihm gsait,
das kasch im Fall grad knicke
Z Berlin, do wär das anders ko,
ich find’s extrem
Em Merz gfallt ICE,
die löse sini Stadtbildproblem
Katzegsang
Die automatischen Durchfahrtskontrollen in der Baselbieter Vorortsgemeinde Birsfelden haben schweizweit und sogar international für Aufsehen gesorgt. Auch das ist ein beliebtes Sujet. Ein Schnitzelbank spannt den Bogen zum «Eurovision Song Contest» im vergangenen Jahr in Basel und zum Regierungspräsidenten Conradin Cramer, der dort gerne im Rampenlicht war:
Jetz nach däm E-S-C het Basel
nümm vyyl z mälde.
Drum syyg dr Cramer küürzlig züüglet
– uf Birsfälde.
Är häig e Wohnig mit eme Balkon
voornedraa
und lächli jeedesmoll, wenns blitzt,
in d Kamera.
Singvogel
Bisch superriich und nymmi leedig,
Buechsch für d Hochzyt ganz Venedig.
Trüffel, Hummer, tüüre Wyy,
Gäld verprasse, das muess syy.
Dr neuschti punkto Dekakdänz,
Leischtet sich jetzt d Prominänz:
E Auto Korso am Hochzytsstart,
Wo äxtra durch Birsfälde fahrt!
MS Fischbrötli
Unsre Fründ dr Andi isch
syt Daage lyycht nervöös
Het extäärn bitzli gschmüüselet –
eläi das isch scho böös
Jetz hän sy dää no gfilmt drbyy und diens dr Frau grad mälde
Schuld isch nit e Kisscam –
s isch e Blitzer in Birsfälde.
Spootschicht Rhygass
Auch die SVP bekommt in den Schnitzelbänken ihr Fett ab. Sei es wegen ihrer Hellebarden-Abwehr gegen die EU-Verträge oder wegen der Initiative für eine 10-Millionen-Schweiz:
D SVP het Angscht es woone
in dr Schwyz bald zää Milioone, obwool d Geburte-Roote uff em Dief-
punggt ligt. Dr Schwyzer het, de glaubsch es nit,
Ains Komma Zwai Niin Kind im Schnitt. Das finde mir vom Duurschschnitts-
Schwyzer nit soo gschiggt.
S erschte Kind isch sicher härzig,
aber s bruucht doch denn nit mee, will s Komma Zwei Niin-Kind
das wäält jo speeter sicher d SVP
Gwäägi
Mit Hellebarde trätte d SVP-ler
Maa für Maa eidgenössisch-sänggrächt
geege Unterwärfig aa. Bim Trump hingeege sotte si
uff andri Waffe setze: Mit Hellebarde ka me sich
bim Krieche lyycht verletze.
Dreydaagsfliege
Die Sorgen um den Kampfjet F-35 sind ebenfalls in den Basler Schnitzelbankversen gelandet:
Dr Pfischter will die Flieger us den U-S-A
jetz in dr Variante «ohne Trieb-
werk» haa.
Es häig in Züüri doch bestimmt
vom letschte Johr
no drei-vier ussrangierti Laubblööser
voor.
Singvogel
Zum Schluss noch ein Vers über die letztjährige Volksabstimmung über die Abschaffung des Eigenmietwerts:
Dr Aigemietwärt, womit mir wältwytt
die Ainzige wääre
muess ych Ihne in däm Värs nit erklääre
usserdäm hett ihn s Schwyzer Stimmvolgg verworfe ghaa
jetz – won y ihn ändlig begriffe ha
Fäärimaa
Alle Basler Schnitzelbänke sind zu finden auf www.schnitzelbankbasel.ch
