banner

Chiirssipfäffer

Di, 12. Feb. 2019

E Guete

Letscht Wuche hani doch grad zwee
Bricht zum Thema «Nahrig» gseh:
So wird für die, wo s intressiert,
e Mählwurm-Burger präsentiert.

Zwee Daag druff hesch chönne lääse,
was me so verwöhnte Wääse
wie Hund und Chatz hüt alls serviert.
Das het mi scho chläi irritiert.

Doo het denn alles Top-Niveau,
nüt vo Schlachtabfäll und soo.
S bruuch käini «Lockstoff» in däm Ässe,
will si’s süscht nid würde frässe.

Lamm, Chalb, Rind, Hirsch für e Hund,
Chüngel, Truthahn, Poulet und
für d Chatze git’s denn au no Fisch.
Dää chunnt am Fryttig ufe Tisch.

Daas alles gniesse d Hünd und d Chätzli.
Miir ässe denn halt Mählwurm-Plätzli.

Äigebröödler

Kommende Events

Stellen

Immobilien

Weitere Angebote