Syt Wuche het me’s chönne lääse:
Im Sporttäil mache sii es Wääse um e Biathlet vo doo, en Art e «Super Mario».

Als Biathlet hesch Langlaufschyy und es Gwehr au no derbyy. Schnäll laufe hilft doo nur bedingt, wenn s Schiesse äim so gar nid glingt.

Grad doo git’s für dä Tälle-Sohn e Hampfle Stroofrunde als Lohn. Doch s «Volksohr» bringt in deere Zyttig au Positivs – am letschte Fryttig.

D Michelle Gisin reüssiert, will sii am schnällschte «kombiniert».
Sii isch, dasch Grund zum Fyyre gnue,
Bürgere vo Roteflue!
Äigebröödler*

*Der Äigebröödler, der Hauspoet der «Volksstimme», macht sich einmal in der Woche seinen Reim auf ein aktuelles Ereignis.