En armi Hutte

Spaare, spaare, no meh spaare. s wird deere Frau an Chahre gfahre.
Öb s Personal, wo d Schuele butzt, oder wär der ÖV nutzt –

me isch nümm zfriide mit deer Frau. Me cha’s verstoh – wie söll men au. Wenn D jeede Daag am Bahnhof stohsch und überläisch, wie D Zyt z totschloosch:

Der Bus chunnt aa – der Zug fahrt furt. Do hilft käi no so tolle Spurt. Dä Eerger chame z Gälterchinde und au z Lieschtel täglich finde.

D Regierig intressiert so Züüg nid grooss – die häi es Dienschtfahrzüüg. Und um die, stoht’s schwarz uf wyss, git’s jetz au no son es Gschyss...

Was es au no z sääge git:
Tüschle mitere möchti nit …
Äigebröödler*

*Der Äigebröödler, der Hauspoet der «Volksstimme», macht sich einmal in der Woche seinen Reim auf ein aktuelles Ereignis.