Chiirssipfäffer

Di, 07. Aug. 2018

1. Auguscht (zum Zwöite)

Der 1. Auguscht isch duure – hüür wäge der Tröchni ohni Füür. Ohni Qualm und Lärm und Gstank, und s bruucht käi Füürwehr, gottseidank.

D Migros, Coop häi reagiert und ihri Chundschaft informiert, me dörf go Füürwärch ummegee. Und das isch offebar au gscheh.

Vilicht häi sich e baar au gsäit:
«Es git en andri Gläägehäit, won iich das Züüg in Himmel jaag – emänd halt erscht am letschte Daag

vom Johr, bis denn sött’s haltbar syy. Jetz zündi nüt!» – Me schickt sich dryy. Und die Jungen und die Alte häi sich zum gröschte Däil draa ghalte.

S duet guet, Respäkt und Aastand z gseh.
E Gruess an d «Fäns» vom FCB …

Äigebröödler

Ganzer Artikel ist nur für Abonnenten verfügbar.

Kommende Events

Stellen

Immobilien

Weitere Angebote